Главная > Uncategorized > «Ботсман» — креветкаро дӯст медорад…!

«Ботсман» — креветкаро дӯст медорад…!

Ва ё дар  Панҷ будам,  маро Қрим  овардӣ.

Севастопол — се  бори умр. Севастопол — шаҳри  қаҳрамон.  Севастопол-  шаҳри  қадимаи таърихӣ. Дар  асл  ин  шаҳр  на  се  бори  ҳаёт,  балки  чор  марҳилаи   зиндагиро  аз   сар  гузаронидааст. Дар  қарни  нуздаҳ  ҷанг бо  франсавиҳо,дар  қарни бист  ду  ҷанги   ҷаҳонӣ   ва  марҳилаи  ҷаҳорум  ин  пас  аз   пошхӯрии  Шӯравӣ  ҳаёти  нави   мустақили    шаҳр   дар  соҳили   баҳри  сиёҳ  қомат   афрохта.   Дар  он     миллатҳо, қавмҳо, нажодҳо,  халқиятҳои   гуногун   кору  фаъолият  ва зиндагӣ  доранд.   Аҳолии   шаҳр   зиёда   аз   400-450    ҳазор   нафарро   ташкил   намуда  дар  байни  онҳо   украинҳо,  русҳо,   тоторҳо  қисмати   асосии   аҳолии  маҳалиро   ташкил   менамоянд.  Ҳамдиёрони  моро низ  дар  байни   миллату- халкиятҳои   гуногунзабони  Севастопол   дидан  мумкин   аст. Ҳамдиёрони  мо  дар  соҳаҳои   гуногуни   шаҳр   фаъолит   доранд.

Севастопол   шаҳри   бандарӣ –тиҷоратӣ  ва  ҳарбӣ  буда   бо  тамоми    гӯшаю-  канори   олам   бо  роҳи   баҳри   алоқаи   мустаҳками   иқтисодию, ҳарбию,   тиҷоратӣ   дошта , рафту-омади   хуб   ба  роҳ   мондааст.

Ботсмани  тоҷик-  дӯстдори   креветка   ва  ҳайвоноти  баҳрӣ  ,  қаҳрамони   мо     Тоҷиддин   Иброҳимов   дар  ҳамин  шаҳри   соҳили   баҳри  сиёҳ   кору   зиндагӣ   дорад.  Аз сӯҳбат   бо     Тоҷиддин  кас   худро  дар   як   олами   беканор,   дар  як  уқёнуси   беканори   зиндагӣ,   олами   гуногунранги    сайёраи   беканори    фалак   ҳис   менамояд.   Гумон   менамоӣ,  ки   савори   киштии  дар    баҳри   ором  ё   атлантик    шино   намуда истодаӣ. Муддати   ду-  се  рӯзе, ки     бо  ин   ботсмани  тоҷик,  дӯстдори   креветка  ва   ҷонварони   баҳри   сӯҳбат  доштам.  Ман   ҳам   хаёлан   аз  кишварҳои   Бразилияву  — Чилӣ,  Ҷопону-Корея,  Амрикою  Панама  то   Кейптаунаю  Косабланка,  Аврупо.     Ва бо   зебоиҳои   Парижу,  Рим, Ослою  Мадрид,   Кипру ҷазираҳои  Конарск   ошноӣ  ва  саёру саёҳат   намудам.

Тоҷиддин   Иброҳимов   танҳо   дар  гирдоби   муҳаббати  самимӣ  ба  ҳамсараш   ғарқ  шудаасту  халос.   Киштии   ӯ  ба   тамоми   гӯшаҳои   олами   гуногунманзар   шино   намуда,   боз   ба  Севастопол  ба   назди   ҳамсараш  холаи  Татяна  бармегардад. Ин   ҳамон  муҳаббати   самимии   Татяна   буд,  ки    ҳоло    писари  зебо  Рустам  ва наберагони   дастрӯяк  доранд.  Ва  ботсмани   креветкадӯст  шаш- ҳафт  моҳ  дар  баҳр   дур   аз  ҳамсару  фарзанд,   ҳамчун  ғаввосон   зи   дарёҳо   бор   мекашад.  Татяна-хола  бошад,  ботсманашро  бо писараш  Рустам,  ки  касби  падарро   пеша  намуда  ва штурман  шуда  кор  менамояд.  Ҳамеша  интизорӣ  мекашад  ва  онҳоро    дасгирӣ  менамояд.  Агар   меҳру муҳаббати   ҳамсарам  намешуд ,  ман  кор  карда,  муддатҳои  дарозро  дар  сафар  гузаронида  наметавонистам,  мегӯяд    Тоҷиддин  Иброҳимов.

Тоҷиддин  солҳои  зиёд  аст,ки  ҳамчун   ғаввосон  дар  дарёҳои   олам  бор   кашида истодааст. Муҳаббати    Татянаро  дар  қалб  ҷой  дода   зиндагӣ   дорад.

ӯ   соли  1962-  дар  деҳаи   Чашмасори,  хоҷагии   Болта   Нидоеви   ноҳияи  Панҷ  ба  дунё  омадааст. Баъди  хатми  мактаби   таҳсилоти  ҳамагонии  деҳааш  дар  сафи  қувваҳои баҳрии  Шӯравӣ,  дар  флоти  Черноморск  хизмат  намудааст. Пас  ба  Ватан  баргашта муддати  5-6 моҳ    боз  ба Севастопол,   ҷойи  хизматаш  бармегардад ва    омӯзишгоҳи  баҳрнавардиро   хатм  намуда,   ба киштии  боркаш   ба  кор  медарояд. Аз  ҳамон    вақт   роҳ   сӯйи  олам   барои  ин  марди  тоҷик  кушода  мешавад.  Асоси  кори   ботсмани  тоҷик ин  маводи  барикреветка, харчанги  дарёӣ, моҳӣ ,  меваи  тару тоза   кашонидан  аст. Шояд   аз  ҳамин  сабаб  бошад,   ки  ба  ӯ  бештар  ошхонаи  Ҷопонӣ  ва Кореягӣ  сахт  писанд  аст.  Ба  гуфти    Тоҷиддин  дар  ин  кишварҳо  бисёри   таомҳоро   аз  ҳайвоноти   баҳрӣ тайёр  менамоянд.  ӯ  креветка  ва харчанги  дарёиро  яке   аз  гуштҳои  болазаттарин  ҳисоб  менамояд  ва дӯст  медорад.  Мегӯяд,  ки   дар  маҳсулоти   баҳри  моддаҳои  ғизоӣ  ва  витаминҳо    барои  организми  одамон  фоидабахш, махсусан  барои  кӯдакону мӯйсафедон  бисёранд.  Бисёр  хуб  ва муфид  мебуд , агар  Ҳукумати  Тоҷикистон  ва  тоҷирони  мо  ба  кишварҳои  дар  соҳилҳои  уқёнусу- баҳрҳо   ҷойгирифта  муносибаташро  бештар  менамуд  ва  ба  Ватан   маводҳои   баҳрӣ  зиёдтар   ворид  менамуданд.  Ҳам арзону  ҳам  болазату,  ҳам  фоидабахш. Ғизои  хуби  болаззат,  ин  саломатии аҳолӣ,  саломатии хуб  ин  зиндагии хуб,  зиндагии нағз  ин  пешрафти  кор  бо  сифати  баланди  истеҳсолот, истеҳсолити  баланд , ин  иқтисодиёти   кишварро  мебардорад.   Иқтисодиёти  хуб ин  асоси  пешравии давлат  аст.  Барои  ҳамин   ботсмани  тоҷик  мардумро  ба  креветкахӯрӣ  даъват  менамояд.  Сайру   гашт    бо  олами  гуногун,  табиати  сайёраи  замин,  гуфтугӯй  ва  муомила  бо  одамони  гуногун   нажод , фаҳмишу  ақида   ҷаҳонбинии  касро  дигар  намуда,  рӯҳро  сӯйи  олами   боло   мебарад.  Шахс   ҳамеша  худро   озод  ҳис  намуда,   байни   одамон   миллату  нажодро   намегузорад.

Тоҷиддин  Иброҳимов   Зеландияи  Навро  яке  аз  гӯшаҳои   зебоманзари   олам   ҳисоб  мекунад.   ӯ  мегӯяд:    Ватани  ман   Тоҷикистон  аст,  шаҳри  ман  Севастопол аст.  Боду  ҳавои  Севастопол  бо  иқлими  Тоҷикистон  бисёр  монанди  доранд.  Ҳамаи он  меваю- сабзавоте,  ки  дар  Тоҷикистон  мерӯяд  дар ин  ҷо  низ  мерӯянд.  Танҳо  дар  Севастопол  боди  баҳри   бо  насими  кӯҳистон  омехта  шуда як  фазои  аҷоиберо   муҳайё   менамояд,  ки  барои  организми  одам  саломатии  инсон   муфидтар  аст.  Хуб  мешуд,  ки  ширкатхои  сайёҳии  Тоҷикистон  бо  ширкатхои  Севастопол  қарордод  баста   ба  ин  гӯшаи  зебоманзар   рафту  омади  саёҳони  тоҷикистонӣ  бештар  менамуданд. Ё  ин  ки  ширкатҳои  тоҷикистонӣ  дар  ин  минтақаи  Украина   замин  ё  истироҳатгоҳ   мехариданду  мардуми  тоҷикистониро  аз  боду-  ҳавои   дилорои  Қрим   бе  насиб  намемонданд.

Пеш  рафтани  иқтисодиёти  давлати Тоҷикистонро  ӯ  танҳо  бо роҳи  иқтисодиёти  равшани  ҳозиразамон, демократӣ  ,аз  тарафи  давлат  пурра  ҳимоя  намудани   ҳуқуқҳои  шаҳрвандон,   поймол  накардани   онҳо ва риояи  қонун  аз  тарафи  давлатдорон  медонад -Асоси  пешравии Тоҷикистон  ин  мактабу маориф  аст. Зиёд  намудани  мактабҳо. Бардоштани  маоши  омӯзгорон,  баланд  бардоштани  савияи  дониши  наврасон  ин  ояндаи  давлат  мебошад.   Дар  бисёр  кишварҳои  олам  мо  ҳангоми  сӯҳбат  намудан  бо   шахсони  гунонгуннажод  мебинам ,ки  синну  солашон  аз  чил  гузаштагӣ,  аммо дар  синфи    4-6  мехонанд. Ҳайрон  шуда  мепурсем,  чаро  ин  қадар  дер?  Мегӯянд,  ки  пул  надорем,  ки   хонем. Оҳиста-  оҳиста  кор  менамоему  маблағ  барои  хондан  ҷудо  намуда  таҳсилро   давом  медиҳем. Худоро  шукр, ки  дар  Ватани  кӯчаки  мо  ин  тавр  нест. Ман  мехоҳам,  ки  меҳани  мо  обод бошад,  мардумаш  соҳибилм  бошанд. Илм  ин  моли  гумшудаи  мусулмон  аст.  Илм  одамро  зебо  ва хушбахт  менамояд. Хушбахтии  шахсро  аз  беморӣ наҷот  медиҳад.  Табобат  ва  давои  дарди  инсон  ин  дар  хурсандист. Саломатии  халқ  ин  пешрафти  кори  чомеа  мебошад.Ба  мардуми  Тоҷикистон  хоҳонам,  ки  бештар  фарзандонашонро  ба  хориҷ   фиристонанд,  барои  хондан.   Таҷрибаи    онҳоро  аз  худ  намуда,  ба  манфиати   Тоҷикистон   истифода  бурд.  Ба  ҳамаи  мардуми шарифи  Тоҷикистон,  муҳочирони  меҳнатӣ.  Ҳамдиёрони  бурунмарзӣ   умри  дароз, осмони  соф,  оби  мусаффои  дурахшон   таманно дорам!

Чархофалаке  маро  ба  чарх  овардӣ,

Дар  Панҷ будам,  маро Қрим  овардӣ.

Дар  Панҷ будам  оби ширин  мехӯрдам,

Баргашта  маро  ба  оби шӯр  овардӣ

Мирзо  Асозода,

Севастопол,

Украина,

махсус барои «Пайкон»

Рубрики:Uncategorized
  1. Комментариев нет.
  1. No trackbacks yet.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: